Fifamoivoizana

Zotra rezionaly sy nasionaly Tsy mbola hiakatra aloha ny saran-dalana

Fifamoivoizana
Alatsinainy 22 Novambra 2021

Tsy mbola mihatra manomboka anio alatsinainy 22 novambra ilay fampiakarana saran-dalana kasain’ny mpitatitra ao amin’ny zotra nasionaly sy ny rezionaly hatao.

Vao noraisin’ny teo anivon’ny Minisiteran'ny Fitaterana ny faran’ny herinandro teo mantsy ny fananganana ny komity manokana manapaka ny fanitsiana ny saran-dalana, izay ahitana ny solontenan’ny mpitatitra sy ny mpiaro ny zon’ny mpanjifa. Nodinihina nandritra izany ny fandrafetana ny komity sy ny asa miandry azy ary ny fotoana hiasany, araka ny fanamarihana nentin’ny mpitatitra. Tsaihivina moa fa volavolan-dalàna no mandrafitra ny fitsanganan’ny komity manokana ka afaka miasa avy hatrany izy ireo raha vantany vao tafatsangana soa aman-tsara amin’ny ara-dalàna izany. Tanjon’ny komity moa ny tsy hahafaty ny Reniny no sady tsy hahabotry ny zanany izany hoe : sady voatsinjo ny mpandeha no tsy maty antoka ihany koa ny mpitatitra.
Pati
Legende : Tsy mbola hampiakatra saran-dalana ireo mpitatitra