Fifamoivoizana

Zotra rezionaly sy nasionaly 15 kg isan’olona ihany sisa ny entana azo entina

Fifamoivoizana
Alarobia 06 Novambra 2019

Holanjaina avokoa manomboka izao ny entana ho entin’ireo taxi-brousse ao amin’ny zotra rezionaly sy nasionaly mivoaka sy miditra ny

renivohitra hisorohana ny lozam-pifamoivoizana mety hitranga ka mety hamoizana ain’olona. Ferana ho 15 kg isan’olona ihany izany raha araka ny fanazavan’ny tale jeneralin’ny antokon-draharaha misahana ny fitaterana an-tanety, omaly Atoa Reribaky Jeannot. Hatreto mantsy hoy izy dia tsy ny fanaovana taingim-be ihany no miteraka loza fa eo ihany koa ny fitondrana entana marobe tsy mifanaraka amin’ny tanjaky ny fiara. Mety ho voahaja ihany hoy hatrany izy ilay haavon’ny entana entina 0,80 cm isaky ny taxi-brousse araka ny lalana saingy mifanohitra amin’izay kosa ny vesatr’ireo entana. Hanao hetsika goavana indray araka izany ny ATT manomboka amin’ny fiandohan’ny volana Desambra ho avy izao. Tafiditra ao anatin’izany ny fanaraha-maso ny fiara ankoatra ny fijerena manokana ireo entana entiny mba ho faran’ny taona hieren-doza no ho lalovan’ny rehetra.

Pati