Fifamoivoizana

Vondron�ny Mpitatitra An-tan�n-dehibe Tsy hampidina ny saran-dalany ho 400 Ar intsony

Fifamoivoizana
Alarobia 15 Febroary 2017

Tsy hampidina ny saran-dalany ho 400 Ar intsony ireo koperativa mivondrona ao anatin�ny UCTU na ny vondron�ny mpitatitra an-tanan-dehibe, hoy ny filohany Andriambinintsolomora Bernardin, omaly.

Lainga ny nambaran’ny filohan’ny antokon-draharaha misahana ny fitaterana an-tanety, hoy izy fa efa voaloa avokoa ny fanampiana tokony ho nomena anay ny taona 2015. Ny taona 2016 no efa nisy voaloa dia ny volana novambra sy desambra ihany izay mbola nahena hatrany amin’ny ampahatelony ihany koa aza. Nanambara Andriambinintsolomora Bernardin fa tsy matahotra ny fandrahonan’ny ATT ny amin’ny tsy hahazoany fanampiana intsony izy ireo satria efa nampiakatra saran-dalana ho 500 Ar. Inona no tsy maintsy hanerena anay mpitatitra hampidina ny saran-dalana ho 400 Ar nefa ny kapoakam-bary miakatra, ny siramamy miakatra, ny legioma miakatra, ny menaka miakatra… tsy misy miteny. Tsy hihemotra amin’ny fanapahan-kevitra efa noraisiny intsony izy ireo sady tsy manantena ilay fanampiana avy amin’ny fanjakana intsony ihany koa izay lasa kobaka am-bava fotsiny ihany. Tsikaritra fa mbola misy amin’ireo koperativa mpikambana sasany no mbola mijanona ho 400 Ar ihany ny saran-dalany.

Pati