Fifamoivoizana

Vakinankaratra Andrasana ny fanamboarana ny lalana

Fifamoivoizana
Zoma 15 Jolay 2022

Mampitaraina ireo mponina ny fahapotehan'ny lalana ao Vakinankaratra ao. Mbola tsy niverina fa vao mainka niha rotika noho ny hita tamin'ny 1 volana,

araka ny efa nitaterana azy teto aza, ny fahapotehana tsikaritra manomboka eo Sambaina. Antsirabe tampon-tanana, izay renivohitr'ity faritra ity, aza moa dia hita ho miha mitombo ireo kilavadavaka amin'ireo arabe. Miandry ny rehetra. Aiza ihany ny fandraisan'andraikitr'ireo tomponandraikitra miadidy ity faritra? Aiza ny governora izay manana ny biraony ao an-tampon-tanana? Iaraha-mahalala fa fanoitra goavana amin'ny fifamezivezen'ny vokatr'ireo tantsaha ny lalana. Vakinankaratra izay ahitana ireo maro an'isa amin'ny fihariana momba ny fambolena sy fiompiana. Tena manana finiavana hampandroso ilay faritra sy ny firenena tokoa ve ireo tomponandraikitra ?
J.Mirija