Fifamoivoizana

Tra-doza an-dranomasina Hita soamantsara ny Vedety Fagnole

Fifamoivoizana
Alarobia 26 Aogositra 2020

Tsy hita nanomboka ny sabotsy lasa teo, ny vedety iray antsoina hoe Fignole. Teo anelanelan’ny fari-dranomasin’i Vohemar sy Antalaha no nitrangan’izany. Ny alatsinainy tolakandro teo anefa dia hita soamantsara ity vedety ity, taorian’ny fikarohana azy.

Velona soa aman-tsara avokoa ireo ekipa tao anatiny, izay nahitana kapiteny iray sy lehilahy 3. Ny lakana Rayan tamin’io alatsinainy nahitana azy io ihany raha ny loharanom-baovao azo no nitarika ity vedety ity tany afovoan-dranomasina hamonjy ny seranan-tsambon’i Vohemar. Saika ho any Foulepointe moa ity vedety ity no simba tampoka teny am-pandehanana ny fitaovam-pamiliany.

Nangonin’i Pati