TOVOLAHY NITSAHIN'NY KAMIAO

Notetezin'ny kodiarana hatrany amin'ny lohany

Fifamoivoizana
Alatsinainy 26 Mey 2025

Tovolahy iray 16 taona no notetezin'ny kamiao afak'omaly Sabotsy 24 May tany Betroka.

Raha araka ny vaovao azo dia voahitsaka tany amin'ny tongony ka hatramin'ny lohany ity tovolahy ity hany ka fisaka tanteraka. Raha araka ny fanazavan'ireo naman'ity tovolahy namoy ny ainy ity dia nahakitika ny sisin'ilay kamiao izay nanitsaka azy izy. Tsy nampoiziny ny fisian'ilay remorka taoriana ka ity farany no nitety ny vatany.Efa nampidirina am-balam-pamonjana ilay kamiao, ary efa nitolo-batana any amin'ny mpitandro ny filaminana ilay mpamily. Anio Alatsinainy 26 May no hiakatra fitsarana ny raharaha.
Pati
Légende : Olona 10 isan'andro no mamoy ny ainy vokatry ny lozam-pifamoivoizana toy izao eto amintsika!