Fifamoivoizana

Tobim-piantsonana Aranta Mahajanga Tsy eken’ny mpiasa ilay “caisse unique”

Fifamoivoizana
Alatsinainy 14 Septambra 2020

Tsy manaiky ny fametrahana ilay "caisse unique" ny mpiasa rehetra ao amin'ny tobim-piantsonana nasionaly ao Aranta Mahajanga.

Nisy ny hetsika nataon'izy ireo nentina nanoherana izany afak’omaly sabotsy 12 septambra. Anisan’ny antony tsy haneken’ireo mpamily sy ny koperativa ity fandoavam-bola tokana ity moa ny fananan’izy ireo mpanjifa manokana efa zatra sy tia azy. Misy ihany koa ireo mpanjifa tsy mandoa saran-dalana raha tsy efa tonga any amin’ny toerana tokony alehany ankoatra ireo mandoa saran-dalana mivantana amin’ny mpamily sy ireo olona mety horaisina eny an-dalana. Manohitra izany avokoa anefa ny fametrahana ity toerana fandoavana saran-dalana tokana ity, koa miantso ny tompon’andraikitra sy ny Fitondram-panjakana mba hijery akaiky izany izy ireo.Tsiahivina moa fa tokony hisokatra rahampitso talata 15 septambra ny zotra mampitohy ny tananan'i Mahajanga sy Antananarivo (RN4) ary ny RN7 mianatsimo.

Pati