Fifamoivoizana

Tobim-piantsonana Andohatapenaka Nangataka fihaonana ilay olon-tsotra namefy ny tany

Fifamoivoizana
Sabotsy 13 Oktobra 2018

Niteraka resabe teto an-drenivohitra nanomboka ny alakamisy hariva teo ny fisian’ireo olon-tsotra namefy ny ampahan-tany mbola an’ny tobim-piantsonana etsy Andohatapenaka.

Tamin’ny andro alina raha araka ny fantatra, tsy nisy fifampiresahana no nanaovan’io olon-tsotra io izany ka tena nampitroatra mafy ireo mpitatitra tokoa. Teo an-danin’izay, hoy ireo tompon’andraikitra, dia azy ireo ny tany, toerana nokasain’izy ireo mbola hanaovana asa fanitarana. Nanome 48 ora nanomboka ny alakamisy teo ny fanjakana ireto mpitatitra ireto mba hanalana io olon-tsotra io amin’ny taniny. Raha vao nahare ny vaovao anefa ilay olon-tsotra dia tsy nitsahatra ny niantso an-telefaonina ireo tompon’andraikitra eo anivon’ity tobim-piantsonana iray ity omaly mba hiresaka sy hifampiraharaha. Tsy nampanantena ny hanatona kosa anefa ity farany. Raha sanatria tsy hihaona moa ny roa tonta dia fantatra fa hikatona tanteraka ny tobim-piantsonana eny Andohatapenaka manomboka anio sabotsy. Raha manaiky ny hiala kosa io olon-tsotra io dia hitohy toy ny mahazatra ihany ny asan’izy ireo.

Pati