Fifamoivoizana

Tetezan’Ambohitrimanjaka Afaka mizaka lanja 15 taonina manomboka rahampitso

Fifamoivoizana
Talata 15 Desambra 2020

Ny sabotsy maraina nanomboka tamin’ny 7 ora maraina ka hatramin’ny 9 ora alina

ihany dia tontosa ny fanamboarana ny tetezana mampitohy an’Ambohitrimanjaka sy Antananarivo izay notanterahan’ireo mpiasa avy amin’ny minisiteran’ny asa vaventy, hoy ny ben’ny tanana ao an-toerana, Ihajason Randriamanalintsoa. Afaka mifamezivezy hatreto ny olona, moto, bisikileta. Ny ankoatran’ireo moa dia izay latsaky ny 4,500 taonina ihany no afaka mandeha eo aminy mandra-pahafahan’ny rafitra “beton” miaina tsara. Nosakafana ny alahady teo tamin’ny 4 ora ny lalana. Ny alarobia izao (TTF: Rahampitso) kosa dia afaka mandray lanja hatramin’ny 15 taonina ity tetezana ity, hoy hatrany ny fanazavana. Ny resaka fikojakojana ny fotodrafitrasa sy fijerena ny fanatsarana ny fifandraisan’ireo fokontany miisa 25 mandrafitra ity kaominina ambanivohitra ity kosa no dingana manaraka, hoy hatrany ity ben’ny tanana ity.

J. Mirija