Fifamoivoizana

Tetezana tapaka any Ambatofinandrahana Tsy raharahiana satria MAPAR ny depiote?

Fifamoivoizana
Talata 30 Janoary 2018

Mametra-panontaniana ny mponina hoe raha HVM ve ny depiote voafidim-bahoaka tao Ambatofinandrahana Christine Razanamahasoa avy amin’ny MAPAR sy ny depioten'Ambositra Hary Andrianarivo avy amin’ny Mampiray dia tsy namboarina ny tetezana mihazo an’Ambatofinandrahana ao Andranonanakova?

Mihotsaka sy simba tanteraka ny tetezana iray ao anatin’ny lalàm-pirenena faha-45 mankany Ambatofinandrahana iny, saingy tsy hay aloha na mba hitan’ny mpitondra ihany na hodiany tsy hita. Toa tonga amin’ilay fitenenana hoe: “aleo ho hitan’ny havany eo” satria tsy ao anatin’ny antokon’ny fitondrana ireo olom-boafidy avy any an-toerana. Ny resaka antoko sy firehana politika izany no hanaovana sorona ny olom-boafidy sy ny vahoaka nanohana azy, ka tsy raharahiana ny rehefa tojo ny sarotra? Miandry ny vahoaka any Ambatofinandrahana, ka tsy hay aloha na hisy hihaino ihany na ahoana fa ny andikan’ny rehetra azy aloha dia famaizana ireo olom-boafidy sy ny vahoakany ny tahaka izao.

Toky R