Fifamoivoizana

TAXIBE Maro ireo tratran'ny polisy tsy nanaja fepetra

Fifamoivoizana
Alakamisy 27 Aogositra 2020

Maro sahady ireo taxibe tratran’ny polisy tsy nanara-dalana omaly andro voalohany niasan’izy ireo.

Hatramin'ny 8ora 30 maraina omaly mantsy dia nahatratra 20 sahady ireo taxibe tsy nanaraka ny fepetra napetraka hiarovana ny olom-pirenena amin'ny fiparitahan'ny valan'aretina covid-19. Ny tsy fanaovana "Visière" moa no tena hita fa maro tsy manara-dalàna ka voatery nampidinina avokoa ireo mpandeha tao anatiny ary nasaina nanaraka ny fepetra ireo taxi-be tsy nanao izany vao afaka miasa indray.Nentanina mba hanaraka ny lamina napetraka ihany koa ny mpamily sy ny mpanampy azy ho fiarovana azy ireo sy ny mpandeha izay entiny .Voalaza fa ny fiara iombonana no anisan’ny fitaovana iray manaparitaka haingana ilay valan'aretina, noho izany dia mila mitandrina sy manaja ny fepetra izy ireo ho tombontsoan'ny be sy ny maro rehefa nomena ny fahazoan-dalàna hiasa ihany.

Pati