Fifamoivoizana

Taxibe Ivato Hodinihana anio ny fomba hamahana ny olana

Fifamoivoizana
Alatsinainy 11 Oktobra 2021

Hampahatsiahy indray ny fepetra voalaza anaty bokin'andraikitra sy ny lalana momba ny fitateram-bahoaka, anio alatsinainy 11 oktobra maraina izao, ny zandarimariam-pirenena ao Ivato.

Hihaona ao amin'ny tranom-pokonolona Ivato tsena noho izany ny tompon’andraikitry ny fitaterana, ny avy amin'ny kaominina, ny zandarmariam-pirenena, ny solontenan'ny mpanjifa mpandeha taxibe Ivato, ny koperativam-pitaterana rehetra miasa ao Ivato, ny tompon'ny fiara, ny mpamily taxibe sy ny resevera. Tanjona ny hijerena ny marimaritra iraisana eo anivon’ny fitaterana miazo an’Ivato izay marihina fa tena miteraka olanabe eo anivon’ny fiainan’ny mponina andavanandro tokoa.
Pati