Fifamoivoizana

Taxibe eto an-drenivohitra Tsy hisy intsony ny tapa-dalana

Fifamoivoizana
Talata 25 Aogositra 2020

Tsy hisy intsony ny saran-dalana tapa-dalana toy ny 200 sy ny 300 Ar manomboka izao fa tsy maintsy 500 Ar avokoa no alohan’ny mpandeha iray na dia mandingana tobim-piantsonana iray fotsiny aza.

Io no fepetra noraisin’ny ankamaroan’ireo taxibe eto an-drenivohitra sy ny manodidina indrindra taorian’ny nandrenesana ny kabarin’ny Filoham-pirenena fa mbola tsy mahazo manao strapotin izy ireo na ilay seza afovoany ho fiarovana amin’ny mety ho fiparitahan’ny COVID 19 . Toraka izany koa ilay tsy fahafahana manondrona saran-dalana izay nambaran’ireo mpamily sasany fa tena fatiantoka ihany.Efa nisy tamin’ireo mpamily taxibe moa omaly no namonjy ilay famendrahana ranom-panafody teny amin’ny Coliseum omaly hisorohana ny mety ho filaharam-be hitranga amina toerana maro eto an-drenivohitra sy ny manodidina rahampitso. Nozaraina aron-tava ihany koa ireo mpamily sy ny mpanampy azy niampy ilay gel fanosotra amin’ny tanana ho famonoana mikraoba.

Pati