Fifamoivoizana

Taxi-brousse voatafika tany Ambovombe Naratra ny mpamily, voaroba ny mpandeha

Fifamoivoizana
Alarobia 30 Novambra 2022

Taxi-brousse iray mampitohy an’ Ambovombe sy Fort-Dauphin, afak’omaly tokony amin'ny 03 ora maraina no notafihin’ny dahalo teo afovoan-tanana akaikin’ny oniveristen’Ambovombe.

Io no fiara voalohany nisantatra ireo taxi brousse hiazo an’i Tolagnaro. Naratra vokatr’izany ny mpamily raha voaroba koa ireo mpandeha. Na izany aza tsy nisy ny aina nafoy. Efa manao ny fanaran- dia moa hatramin’ny omaly ny mpitandro filaminana, izay tarihin’ny kaomiseran’ Ambovombe. Miantso ireo taxi brousse sy mpampiasa lalana mandeha alina mba samy hitandrina araka izany ireo mpitandro ny filaminana any an-toerana indrindra amin’izao ankatoky ny fetin’ny Krismasy sy ny faran’ny taona izao.
Nangonin’i Pati