Fifamoivoizana

Taxi-brousse nangala-pihinana Fiara 3 nogiazana avy hatrany

Fifamoivoizana
Alatsinainy 04 Mey 2020

Mpandeha tao anatina taxi-brousse miisa 38 indray no tsy afaka namonjy ny toerana tokony alehany raha saika hivoaka an-tsokosoko ny faritra Analamanga.

Tra-tehaky ny polisy tetsy Tanjombato tokony ho tamin'ny 05 ora sy 30 minitra hariva ny 02 mey teo ny taxi-brousse miisa telo nitondra azy ireo ka ny roa ho any Fianarantsoa ary ny iray kosa ho any Ihosy. Voatery nogiazana ( Fourrière) avokoa moa ireo taxi-brousse ireo noho ny tsy fanarahan-dalàna nataon'izy ireo. Marihina fa vao ny fiandohan’ny volana mey teo ihany koa ny polisim-pirenena no nahatratra fiara 01 tetsy Ambohimanarina nitondra mpandeha ho any Marovoay izay nivoaka an-tsokosoko ihany koa. Samy tsy nahitana ireo karazana taratasy manamarina ny anton-diany, ny toe-pahasalaman’ireo olona nentiny ary ny manifold nofenoiny moa ireto taxi brousse ireto.

Pati