Fifamoivoizana

Taratasy hosoka fitsirihana fiarakodia Niakatra fampanoavana omaly ny telo tamin’ireo tratra

Fifamoivoizana
Alarobia 10 Jolay 2019

Omaly no niakatra fampanoavana raha ny loharanom-baovao azo ny telo tamin’ireo olona valo tratra nanao antontan-taratasy hosoka mikasika ny fitsirihana fiarakodia sarona teto an-drenivohitra ny faran’ny herinandro teo.

Ny dimy tamin’ireo raha tsiahivina dia tratra noho ny fampiasana hosoka momba ny “attestation de non affectation de véhicules au transport à titre honnereux » izay andraikitry ny ivon-ketra ny famoahana azy. Ny telo kosa tra-tehaka tamin’ny fitsirihana ara-teknika ny fiara. Ny PAC moa na ny fitsarana manokana miady amin’ny kolikoly no fantatra fa mandray an-tanana ny raharaha. Mbola hitohy amin’ny fikarohana ny naman’izy valolahy ireto ny mpitandro ny filaminana, raha ny fantatra hatrany.

Pati