Fifamoivoizana

Tanjombato Torana ilay lehilahy lehibe nofaohan’ny moto

Fifamoivoizana
Alarobia 08 Jolay 2020

Nitrangana lozam-pifamoivoizana omaly maraina teny Tanjombato. Lehilahy lehibe iray manodidina ny 50 taona raha tombanana no nofaohan’ny moto tampoka raha variana nivarotra aron-tava mandehandeha teny amin’iny lalana iny.

Torana tsy nahatsiaro tena avy hatrany ity lehilahy lehibe ity nandritra izany. Raha araka ny loharanom-baovao azo dia nandeha mafy tokoa ity moto nandona azy ity saingy ny fanadihadiana nataon’ny mpitandro ny filaminana ihany no hamaritra izany. Ireo olona nanatri-maso moa no nikarakara ity lehilahy lehibe ity ary raha ny vaovao azo farany dia nentina nanatona tobim-pitsaboana izy taorian’izany.

Pati