Fifamoivoizana

Tanànan’i Moramanga Mampitaraina ny mponina ilay « Dobon’Ingahy mera »

Fifamoivoizana
Alarobia 17 Jona 2020

Mampitarain’ny mponina ao an-tanànan’i Moramanga Alaotra Mangoro indray ankehitriny ny fahasimban’ny lalana mirefy eo amin’ny 700 metatra mampitohy ny sampanan-dalana avy any Anosibe an’ala mandalo ny toeram-piantsonan’ny zotra Kofimanga sy Kompima hatreny Tanamandroso.

Tazana ao amin’ity toerana ity indray ankehitriny ny lavaka be feno rano ka nahatonga ny olona hanome anarana ny toerana hoe Dobon’Ingahy Mera na koa hoe Renindranon’i Mangoro vaovao. Fantatra fa tany amin’ny taona 2012 tany ity ampahan-dalana ity no efa namboarin’ny orinasa Ambatovy fa tsy dia nazava loatra ny fomba nanamboarana azy ka tany amin’ny taona 2016-2017 tany indray izy io dia potika ka nahatonga ny anarana hoe “Mangoro vaovao” ary taty amin’ny taona 2018 indray izy io vao nototofan’ny tale jeneralin’ny Fanalamanga taloha tany dia izao izy simba izao indray.

Ntsoavina Evariste