Fifamoivoizana

Taksibe notrongisina kamiao Mpandeha 7 naratra mafy teny Manjaka Ilafy

Fifamoivoizana
Sabotsy 03 Novambra 2018

Nitrangana lozam-pifamoivoizana nahatsiravina teny Manjaka Ilafy, akaikin’ilay orinasa Somacou, omaly tokony ho tamin’ny 3 ora folakandro.

Taksibe iray ao amin’ny zotra H hihazo ny renivohitra no nodomina fiarabe iray nitondra simenitra avy any aoriana ka potika tanteraka. Raha ny fantatra dia nipotsaka tsindry hisatra ity fiarabe. Niantona tamin’ny tetezana mihitsy ilay fiara fitaterana vokatr’izany noho ny dona mafy nahazo azy, nilatsaka tany ambany tetezana koa ny môterany….Maro tamin’ireo mpandeha tao anatiny moa no fantatra fa naratra mafy ka voatery nentina namonjy hopitaly haingana. Miisa fito izy ireo ary zaza amam-behivavy avokoa ny ankamaroany

Pati