Taksibe mihoam-pefy

Tapitra ny fandeferana, hanasazy ny polisy

Fifamoivoizana
Alakamisy 29 Janoary 2026

Tsy hisy fandeferana ny fanaovana kolikoly,

na ho an’ireo mpamily taksibe na ho an’ireo polisim-pirenena, hoy ny teo anivon'ny ministeran'ny filaminam-bahoaka omaly. Nomarihin'izy ireo fa ho henjana ny sazy ho an’izay tratra mandika lalàna. Hisy fitsirihana tampoka hataon’ny tomponandraikitra ho fampiharana izany manomboka izao. Ny 27 janoary teo no nanao fanentanana sy fampianarana farany teto Antananarivo renivohitra ny mpitandro filaminana raha toa ka hiroso amin'ny fanasaziana amin'izay manomboka izao. Tapitra, araka izany, ny fandeferana ho an’ireo taksibe mihoam-pefy. Hanasazy ny polisy, hoy hatrany ny fampitàm-baovao.
Nangonin’i J. Mirija