Fifamoivoizana

Taksibe mihazo an’ Itaosy Nitokona tsy nety niasa ny ankamaroany omaly

Fifamoivoizana
Talata 30 Janoary 2018

Nitokona tsy nety niasa avokoa ny ankamaroan’ireo taksibe mihazo an’i Itaosy toy ny zotra 133 mampitohy an’Analakely sy Itaosy, ny KOMIFI sy ny KOMAFILA omaly.

Antony, dia noho ny fisian’ireo andiana mpitandro ny filaminana tonga nisava ny antontan-taratasin’ny fiaran’izy ireo ka naka avy hatrany izany ho an’ireo tsy nanara-dalàna. Betsaka tokoa ireo tratra ka voatery namonjy fodiana tsy fidiny. Kivy ireo naman’izy ireo sasany ka tsy nisy nivoaka intsony koa. Ireo mpandeha no nifatraran’ny rihitra. Nisy tamin’izy ireny no niandry efa ho ora iray tamina tobim-piantsonana iray saingy tsy nahita mihitsy. Voatery nandeha dia an-tongotra ny rehetra, tranga izay mbola nitohy hatramin’ny omaly folakandro. Nanambara ny sasany tamin’ireo mpamily fa ny mahazo azy amin’ny fitohanana mihazo an’Itaosy aza efa manahirana nefa mbola manao antsojay koa ny mpitandro ny filaminana.

Pati