Fifamoivoizana

Taksibe miasa eto Antananarivo Zara raha mahazo vola noho ny amboteiazy

Fifamoivoizana
Alakamisy 17 Janoary 2019

Tena mafy ny fitohanana eto an-drenivohitra sy ny manodidina herinandro mahery izao. Simba vokatr’izany ny ankamaroan’ireo asa fitadiavana maro noho ny fotoana very eny am-pandehanana ka anisan’ireny ny fiara fitaterana.

Ho an’ireo mihazo an’Imerintsiatosika raha araka ny fanadihadiana natao teny Anosy omaly dia ny etsy amin’ny tsenan’Anosibe sy Anosizato no tena mandany ny fotoanan’izy ireo isan’andro. Ora telo eo no laniny rehefa tsy mandefa fiara roa indray miara-mandeha ireo mpitandro ny filaminana etsy Anosizato, fotoana izay efa mamono fotoana hahafahany miakatra sy midina indray mandeha. Zary mihena ho telo isan’andro sisa ny fitateran’olona vitan’izy ireo raha nahatratra dimy teo aloha. Tsy mitondra vola mody intsony izahay, hoy ny mpamily iray fa ny volan’ny mpampiasa no tsy maintsy henjehina. 70.000 Ar no azo izay nomarihin’izy ireo tsara fa mbola mampimenomenona ireo tompona fiara aza. Ny receveur no tena mampalahelo sy miasa maina. Mba mandray karama isam-bolana ihany mantsy ireo mpamily raha tsy mandray na inona na inona kosa fa miala maina ireo receveur. Mbola mijanona ho 1.000 Ar ny saran-dalana miazo an’Imerintsiatosika ankehitriny. Mbola manaja ny saran-dalana tapa-dalana ihany koa izy ireo saingy misy ihany ireo manararaotra rehefa amin’ny fotoana mahabetsaka ny mpandeha.

Pati