Fifamoivoizana

Taksibe 194 Mikolay ireo mpanjifany

Fifamoivoizana
Alatsinainy 30 Aprily 2018

Maro ireo zotra mpitatitra efa nampitaraina fa ny an’ny zotra 194 mampitohy an’Andrainarivo sy Andranomena efa tafahoatra ny tsy fanajana mpandeha sy tsy mety ataony, hoy ny mpanjifa iray.

Raha ny nambarany, rehefa tsy misy ny mpanara-maso na « Pointeur » dia mandeha avy hatrany izy fa tsy mampiditra olona eo amin’ny fiandoham-piantsonany (Prémus) etsy Andrainarivo. Mialoha ny handraisan’izy ireo mpandeha ihany koa anefa dia hanontaniana aloha izay toerana halehan’ilay olona ka raha vao lavidavitra dia lazainy fa tsy mankany izy ireo. Ramatoa bevohoka 1 koa no nitaraina fa matetika ny tenany no fanina mihitsy noho ireto zotra ireto tsy mety handray azy. Ny sasany indray kosa nilaza ho nahita fa misy amin’ireo “pointeur” mihitsy koa no miray tsikombakomba amin’ny hadalan’ireo mpitatitra. Miantso ny tompon’andraikitra moa ireo mpanjifa mba handray ny andraikiny amin’ny fanimbazimbana mpandeha hataon’ireo taksibe 194 ireo.

J. Mirija