Fifamoivoizana

Soanierana Mbola tondra-drano ihany

Fifamoivoizana
Zoma 15 Novambra 2019

Rotsak’orana nandritra ny ora iray latsaka dia efa niverina amin’ny laoniny indray ny tondra-drano eny Soanierana omaly hariva. Samy nahatsikaritra ireo rehetra nampiasa iny lalana iny

(Andrefan’Ambohijanahary – Soanierana) fa dia niakatra ny rano ary nahadifotra kodiarana ho an’ireo fiara kely. Efa nandritra ny enim-bolana anefa no nanamboarana ny lakan-drano amin’ny sisin’ny arabe tamin’iny faritra iny. Miainga eny amin’ny toerana fitahirizan-tsolika manakaiky ny chocolaterie Robert ka hatreny amin’ny Rond Point Soanierana. Niaraka tamin’ny fanamboarana ny arabe izany. Somary nafonja kokoa ny orana omaly ary dia mazava izany izao fa tsy mbola ampy hitroka sy handefa ny rano amin’iny faritra iny izy io.maro no efa nanainga zipo sy namoritra pataloha omaly teny an-toerana noho ity rano be ity.Hita kosa anefa fa haingana kokoa ny faharitran’ny rano niangona.

RTT