Fifamoivoizana

Sakana ara-pahasalamana Hentitra ny fanaraha-maso ny RN4

Fifamoivoizana
Alakamisy 25 Martsa 2021

Nisy ireo fepetra manokana vaovao nentin'ny CRCO Mahajanga hiadiavana sy hisorohona ny fianaky ny valanaretina Coronavirus nanomboka tamin’ity

herinandro ity. Niroso tamin'ny fanatanterahana izany ireo Mpitandro filaminana sy ny Mpiasan'ny fahasalamana nanomboka ny 23 martsa ka kasaina hifarana ny 06 aprily 2021. Efa mipetraka sy miasa ny sakana ara-pahasalamana sy ara-piarovana najoro eny amin'ny lalam-pirenena faha 4, eo Madiromasy/Tsaramandroso, distrika Ambatoboeny, PK 412+800 sy eo amin'ny sampanana Anjiajia/ Tanandava distrika Ambatoboeny, PK 435. Ny ao antampon-tanànan'i Mahajanga rahateo dia efa miroso amin'ny fampiharana ny fepetra rehetra. Ny vonjy aina ara-pahasalamana sy ny entam-barotra ihany no afaka mandingana ireo sakana ireo. Entanina ny rehetra mba hanaja izany fepetra izany ho fifampiarovana ary mirary soa ho an'i Mahajanga sy Nosy-be, hoy ny eo anivon’ny zandarimariam-pirenena.

Toky R