Fifamoivoizana

RNT12A - Vangaindrano sy Tolagnaro Miverina amin'ny laoniny ny fifamoivoizana

Fifamoivoizana
Alarobia 08 Jolay 2020

Efa niverina nanomboka ny marainan’ny alatsinainy 06 jolay 2020 ny fifamoivoizana amin’ny lalam-pirenena RNT12A mampitohy an’i Vangaindrano amin’i Tolagnaro rehefa nisy fahatapahana nanomboka ny alakamisy 02 jolay 2020 noho ny fahasimban'ny Bac eo Ebakiky, PK45+000.

Nisy fiara lehibe mpitatitra olona niampita andro alina ka naharendrika ity Bac ity ary nitarika ny fahatapahan’ny fifamoivoizana. Eo anelanelan’ny amin'ny 6 ora maraina ka hatramin'ny 6 ora hariva ihany no fotoana tokony hiasan'ny Bac. Nilaza ny teo anivon’ny minisitra misahana ny asa vaventy fa efa nandraisana fepetra ireo izay tsy nanara-dalàna na ny tompon'ny fiara vaventy na ny mpitondra ny Bac.

Jean D.