Fifamoivoizana

RN7 Atsimon’Iavoloha 3 mianaka nodomin’ny moto, maty izy mivady

Fifamoivoizana
Alatsinainy 22 Febroary 2021

Nitrangana toe-javatra mampalahelo teny Atsimon’Iavoloha, lalam-pirenena fahafito omaly maraina.

Olona 3 mianaka nitaingina moto handeha hiazo an’Ambatolampy no tra-doza tokony ho tamin’ny 06 ora maraina. Raha araka ny vaovao azo avy tamin'ireo nanatri-maso dia niala bisikileta nitondra mofo izy ireo ka nifandona tamin'ny kamiao. Maty tsy tra-drano izy mivady vokatr’izany. Nipotsaka mihitsy ny ati-dohany, fa ilay zanak'izy ireo lahikely kosa nentina haingana namonjy toeram-pitsaboana. Ny tongotr’ity farany no voalaza fa voa mafy saingy efa nahazo ny fitsaboana sahaza azy izy ka tsy misy ahiana ny ainy.

Pati