Fifamoivoizana

RN44 Manomboka mampikolay

Fifamoivoizana
Talata 22 Desambra 2020

Manomboka mampikolay ny làlam-pirenena faha-44 amin’izao fotoana izao. Vao

mirotsaka ny orana, dia efa malama sy mamotaka ny làlana aty amin’ny tapany Vohidiala-Amboasary. Marina fa misy ny fanamboarana ny RN44, saingy tsy izy manontolo aloha no amboarina hatreto, ary ny tapany tsy misy fikitihina io efa mampijaly io sahady. Isan’izany ny aloha kely tsy hidirana an’i Ranofotsy, raha hiakatra, izay afak’omaly, dia efa nisy ny fiara nihitsoka nibahan-dàlana satria samy tsy afaka. Misy amin’ireo mpitatitra no mihevitra ny hanatsahatra ny asa fandraharahana aloha, raha mihafamafy ny haratsian’ny làlana satria manimba zavatra, hoy izy ireo. Marihina fa manodidina ny 25 000 Ar eo ny saran-dàlana Antananarivo mihazo an’Ambatondrazaka amin’izao fotoana izao.

Toky R