Fifamoivoizana

RN4 – loza mahatsiravina 2 maty, 14 naratra teny Manerinerina

Fifamoivoizana
Talata 17 Novambra 2020

Nisehoana loza mahatsiravina tany amin’ny làlam-pirenena faha-4 na ny RN4 mampitohy an’Antananarivo sy Mahajanga omaly vao mangiran-dratsy.

Tokony ho tamin’ny 3 ora maraina mahery kely, teny Manerinerina, dia fiara Sprinter no niala làlana sy nivarina tany anaty antsana. Tsy fantatra mazava na variana na sondrian-tory tampoka ny mpamily. Mpandeha roa dia lehilahy 40 taona sy vehivavy 59 taona no namoy ny ainy. Miisa 14 kosa ny naratra, ka anisany ny mpamily, raha ny tatitra azo. Efa nahazo ny fitsabona sahaza tao amin’ny Hopitalin’Ankazobe izy ireo. Mampahery ny fianankavian’ny maty sy mirary fahasalamana ho an’ireo naratra.

Toky R