RN1

Namono lehilahy iray indray ny moto

Fifamoivoizana
Talata 23 Septambra 2025

Manao tohivakana ny lozam-pifamoivoizana

vokatry ny fitaingenana moto na kodiaran-droa any amin'iny lalam-pirenena voalohany iny. Taorian'ireo moto 2 nifampitrongy ka naharatrana olona 2 dia moto iray avy eto an-drenivohitra hiazo an'Ampefy nidona tamin'ny rindrina indray omaly Alatsinainy 22 Septambra no namono lehilahy iray 50 taona. Tao Faratazana Miarinarivo no nitrangan'izany. Raha araka ny fantatra dia tsy voafehin'ilay mpamily ny familiana ilay motony ka rehefa niditra fiolanana dia nivoaka ny lalana ka nidona mafy tamin’ny rindrina. Potika tanteraka vokatr'izany ilay moto raha nirodana koa ilay tamboho niantefan’ny loza. Na dia nentina haingana tao amin’ny CHRR Miarinarivo aza moa Itompokolahy dia tsy tana ny ainy hoy hatrany ny vaovao.
Nangonin'i Pati
Légende : Sady potika ilay moto no namoy ny ainy ilay mpamily azy !