RN 7, AMPITATAFIKA

Lehilahy maty nofaohan'ny fiara

Fifamoivoizana
Alakamisy 11 Septambra 2025

Lehilahy iray mpitondra bisikileta no maty nofaohan'ny fiara

kely miloko manga omaly Alarobia 10 Septambra folakandro tany Ampitatafika, lalam-pirenena fahafito. Maty teo noho eo io lehilahy io raha nandositra kosa ilay mpamily. Raha araka ny vaovao azo dia mbola nitondra entana handeha hamidy io lehilahy io. Indrisy anefa fa sendra ny tsy nampoizina izy ka izao namoy ny ainy tsy fidiny izao. Efa naterina tany amin'ny tranom-paty ny razana. Tsiahivina moa fa mety kokoa ho an'ny mpamily nanitsaka olona tahaka izao ny mitolo-batana na inona na inona tahotra fitsaram-bahoaka. Vao mainka manamafy ny saziny mantsy ny fitsoahana sy fialana andraikitra tahaka izao. Mbola nifampitadiavana ilay hatramin'ny fotoana nanoratanay.
Pati
Légende : Ity ilay olona namoy ny ainy sy ilay fiara nandona !