Fifamoivoizana

Polisy misahana ny fifamoivoizana Miofana mandritra ny 4 andro eny Antanimora

Fifamoivoizana
Alarobia 13 Martsa 2019

Manaraka fiofanana manokana eny Antanimora hanatevenana ny fahaiza-manaon’izy ireo nanomboka omaly 12 martsa ireo Polisy misahana ny fifamoivoizana eto Antananarivo renivohitra.

163 ireo mpandray anjara ary ireo mpampiofana avy ao amin’ny DFCR (Direction de la Formation Continue et de la Recherche) sy ireo mpiara-miombon’antoka amin’ny Polisim-pirenena no misahana izany.Lafin-kevitra maro no ho voakasik’ity fampiofanana ity : fampahatsiahivana ireo andraikitry ny Polisy misahana ny fifamoivoizana , fampahatsiahivana ireo soatoavin’ny Polisim-pirenena Malagasy , fandalinana ny « Code de la route » na ny lalàna mifehy ny fifamoivoizana, fampahatsiahivana ireo fihetsika ara-dalàna rehetra amin’ny fandrindràna ny fifamoivoizana ary fanentanana amin’ny ady atao amin’ny kolikoly.Haharitra 4 andro izao fampiofanana izao .

Nangonin’i RTT