Fifamoivoizana

Parking gaboraraka eto an-drenivohitra Handray ny andraikiny ny kaominina

Fifamoivoizana
Sabotsy 23 Jona 2018

Mihagaboraraka hatrany ny fitantanana ny tobim-piantsonana eto amintsika ( parking).

Tsy misy toerana izay tsy ahitana azy eto an-drenivohitra toy ireo fiara mijanona eny amin’ny vavahadin’olona, misy ihany koa ireo manamboatra môtô ary manangona io fitaovam-pitaterana iray io eo amin’ny rond point….Mitaraina avokoa ny ankamaroan’ireo mpampiasa lalana, ankoatra ny fitohanana izay efa tena miteraka fahasorenana ho an’ny rehetra eto amintsika. Rehefa nanontaniana ny teo anivon’ny kaominina Antananarivo Renivohitra dia nambaran’izy ireo fa handray ny andraikiny ny fiadidian’ny tanàna. Efa nisy ny toromarika nomen’ny Ben’ny tanàna Lalao Ravalomanana entina handaminana izany. Tafiditra ao anatin’ny fanambin’izy ireo mantsy dia mba hananana tanàna madio sy milamina mandritra ny fety. Nomarihin’izy ireo ihany koa fa mila mifanabe ny olom-pirenena tsirairay avy fa tsy hiandrasana ny kaominina irery ny asa. Ho an’ireo mpampianatra mpamily fiarakodia eto an-drenivohitra sendra anay dia nambaran’izy ireo fa efa tafiditra ao anatin’ny famokarana mpamily matihanina ny resaka fanajana ny tobim-piantsonana saingy miankina amin’ny tsirairay avy ny fanajana izany na tsia.

Pati