Fifamoivoizana

Mpitondra moto maty Ifanilihana ny fototry ny loza

Fifamoivoizana
Alakamisy 06 Septambra 2018

Tantara tsy mbola mivalona ny amin’ilay lozam-pifamoivoizana nahafatesana mpitondra moto iray nitranga teny Andoharanofotsy amin’ny lalam-pirenena faha-7 ny ain’ny 3 hifoha 4 aogositra 2018.

Mifamahofaho be ny resaka ny amin’ny nihavian’ny loza, izay niseho taorian’ny misasak’alina. Moto sy fiara no nifandona. Ny fahitana faritra simba tamin’ilay fiara anefa toa maneho fa tsy nifanehitra ireo fitaom-pifamoivoizana ireo; fa nitevika teo amin’ny elatra havana anoloana an’ilay fiara ilay moto. Efa eo ampelan-tanan’ny mpitsara moa ny raharaha, ary hivoaka rahampitso zoma ny didim-pitsarana mikasika azy io.

Jean D.