Mpitatitra eny

amin’ny PK 19 – RN 7

Fifamoivoizana
Alarobia 17 Desambra 2025

Nanokatra lalana taorian’ny marimaritra iraisana

Nidina ifotony teny amin’ny PK 19 – RN 7 nifampiresaka tamin’ireo mpitatitra nitokona ny Tale jeneraly eo anivon’ny DGSR, ny GDI, Nixor Tsitambala, sy ny tale jeneralin’ny ATT, Ratovohery Mirambololona, hoy ny fampitàm-baovao voaray omaly. Nisy ny marimaritra niraisana tamin’izany ka nanokatra ny lalana izay nobahanany ireo mpitatitra. Tapaka nandritra io fifampiresahana io fa haato vonjimaika aloha ny fitsirihana tampoka na «visite inopinée » tanterahan’ny ATT na ny sampan-draharaha misahana ny fitaterana an-tanety. Hisy ihany koa ny fihaonana hiarahan’ny rehetra mikaro-bahaolana amin’ny fotoana mampety azy. Tamin’ny 3 ora tolakandro no nisokatra ny lalana, raha ny fampitàm-baovao voaray hatrany.
Nangonin’i J. Mirija