Fifamoivoizana

Mpitatitra eny amin’ny fasan’ny karana Manizingizina fa hijanona eny an-toerana

Fifamoivoizana
Talata 24 Jolay 2018

Mbola miziriziry amin’ny fanapahan-keviny hatreto ireo mpitatitra mianatsimo etsy amin’ny Fasan’ny Karana fa tsy hiala amin’ny toerany na dia voalaza aza fa an’olon-tsotra fa tsy an’ny fanjakana ity tany hiantsonan’izy ireo ity.

Nambaran’ny solontenan’ny mpitatitra fa karana no ambadik’io fakana ny tany izay hiantsonan’izy ireo ankehitriny io. Mila miaina malalaka amin’ny taniny anefa ny Malagasy, hoy izy ireo fa tsy ny vahiny foana no avela hanjaka noho izany tsy hiala izy ireo. Ankoatra izay, efa nisy tompon’andraiki-panjakana nampanantena ny amin’ny tsy hialany eny amin’ity toerana ity izy ireo. Mbola mijanona ho resaka am-bava fotsiny ihany anefa izany hoy hatrany ireo solontenan’ny mpitatitra noho izany takian’izy ireo maika ny hamoahan’ny fitondram-panjakana naoty mazava. Vonona ireo mpitatitra eny an-toerana hanajary sy hanadio ny toerana etsy amin’ny Fasan’ny Karana izay nomarihin’izy ireo fa tsy hitsitsiany vola tokoa, raha tanteraka soa aman-tsara. Marihina moa fa anisan’ny mangataka ny hamoahana ity naoty ity ihany koa ireo mpivarotra eny an-toerana.

Pati