Fifamoivoizana

Mpitaingina moto voahosin’ny kamio Niparitaka ny atidohan’ilay vehivavy

Fifamoivoizana
Alarobia 18 Desambra 2019

Nipotsaka tanteraka ny lohan’ilay vehivavy voahitsaky ny kamio tetsy Anosipatrana akaikin’ny « lavage » na « arrêt akondro » omaly hariva tokony ho tamin’ny 5ora.

Andrasana ny tena fanadihadiana fa raha ny fanazavana vonjimaika, dia olona roa lehilahy sy vehivavy izy ireo no niaraka izay nitangina moto. Nosonganan'ny kamio izy ireo no nianjera mafy, ka voahitsak’io fiarabe io ny lohan’ilay vehivavy, ka maty tsy tra-drano, raha ny fanazavana vonjimaika hatrany. Nipotsaka sy niparitaka teo amin’ny arabe ny atidohany. Tsy nanao aroloha rahateo io vehivavy io. Naratra kosa ilay lehilahy, nahitana kiaka ny tanany noho ny fianjerana, saingy tsy nisy nahiana ny ainy. Vory lanona ny olona izay samy nivarahontsana nahita ity zava-doza ity. Ilaina hatrany ny mitandrina sy ny fanajana hatrany ny lalàna mifehy ny fifamoivoizana satria ny loza tsy mampiomana.

Nangonin’i Toky R