Fifamoivoizana

Mpisakan-dalana Miverina indray ny ao Brickaville

Fifamoivoizana
Alakamisy 06 Aprily 2017

Miverina indray ny mpisakan-dalana ao Brickaville, lalam-pirenena faharoa.

Fiara vaventy iray no lasibatr’izany ny faran’ny herinandro teo ka fantatra fa hazo lehibe sy vaventy manana halavana hatrany amin’ny enina metatra no habahan’ireo mpanao ratsy ny làlana. Noheverin’ilay mpamily sy ny mpanampy azy fa hazo nianjera izany ka nivoaka izy ireo mba hanala azy kinanjo tora-bato efa nifafy namotika ny pare-brise no nitsena azy ireo. Saika tsy afaka nanemotra ilay fiara nentiny ilay mpamily vokatr’izany ka efa nihemotra iray metatra nitrangan’ny tora-bato vao niantso vonjeo. Tsy nisy moa ny aina nafoy na ny vola azon’izy ireo saingy ilay fiara no nisy fahasimbany. Raha araka ny fantatra hatrany moa dia vao tamin’ny 09 ora alina no nitrangan’ity fisakafanana fiara ity.

Pati