Fifamoivoizana

Moto sy fiara tsy manara-dalàna Miisa 198 ireo nosavaina, olona 15 no nosamborina

Fifamoivoizana
Alatsinainy 22 Novambra 2021

Nanohy ny asa fiarovany sy fanampiana ny vahoaka ny Polisim-pirenena ny 19 hifoha 20 Novambra lasa teo.

Anisan’izany ny fitsirihana ireny moto sy fiara tsy manara-dalàna ireny ka : Miisa 198 ny isan'ny fiara narahi-maso ka ny 05 tamin'izy ireny no voatery najanona tsy navela nandeha intsony noho ny tsy fahatomombanan'ny jiro. Voatery nanamboatra teo noho eo ilay jiro ireo fiara vao afa-nihetsika. 20 kosa ny isan'ireo moto voatery nosakanana tsy navela nandeha noho ny tsy fisian'ny aro-loha sy retroviseur . Teo amin'ny lafiny tsy fandriam-pahalemana indray dia miisa 15 ireo olona nosamborina noho ny resaka vaky trano sy hala-botry ary asa fanendahana. Mbola hitohy ny hetsika eto Antananarivo renivohitra.
Pati
Legende : Nafotaka ny fisavana moto teto