Fifamoivoizana

Moto-Scooter-Sarety Samy manao izay saim-pantany

Fifamoivoizana
Talata 21 Janoary 2020

Ny bisikileta, ny « scooter » ary ny sarety sy ny posy koa dia samy manao izay saim-patany amin’ny fifamoivoizana.

Na dia efa noraràna aza ireo posy sy sarety tsy hiditra amin’ny faritry ny afovoan-tanàna dia navela indray izy ireo amin’izao fotoana izao ka dia miandry ny hafainganam-pandehany mora izay fiara tratra aoriany. Ireo izay tsy mitandrina moa dia mety ho voakikin’ny vy be sy ny entana izay entiny. Ireo moto sy bisikileta ihany koa dia tsy manaraka ny lamina momba ny fifamoivoizana. Tsy manaja ny atao « priorité ». Misy amin’ izy ireo azamoa tsy mahafantatra ny lalànamifehy ny fifamoivoizana. Ny mpamily « scooter » aza moa dia miakatra eny amin’ ny faritra natokana ho an’ ny mpandeha tongotra mihitsy. Tena manao izay saim-patany. Hatreto aloha dia mafy ny asa miandry ny ben’ ny tanàna izay hanova ireo fahazaran-dratsin’ny mponina ireo. Ny resaka fahadiovana sy ny fandriam-pahalemana dia mbola tsy asianay resaka aloha. Raha tsorina dia mikorontana tanteraka Antananarivo, renivohitr’i Madagasikara. Hita taratra misongadina ny fahantrana sy ny loto ary ny fifamoivoizina.

Marigny A.