Moto nifandona nahafatesana olona 2

Efa nisy lonilony nialohan’ny tranga ?

Fifamoivoizana
Alarobia 18 Septambra 2024

Mpitondra kodiaran-droa miisa 2 no indray niara-namoy ny ainy tany Antsirabe, Atsimon’Ampihaviana,

eo akaikin’ny Ave Marie ny Alahady 15 Septambra lasa teo tokony ho tamin’ny 12 ora alina sy sasany. Moto scooter Jog 4 nanao taingin-droa no nifanehitra tamina Moto Scooter Kymco izay nanao taingin-droa ihany koa. Nifanena ary nifampikatroka mafy teo amin'ny arabe izy ireo ka simba tanteraka ny fananana raha naratra mafy ireo roalahy samy nentin’izy ireo avy aoriana. Mbola ao anatin’ny fanadihadiana tanteraka mahakasika ity loza ity moa ny polisim-pirenena ao Antsirabe amin’izao fotoana izao. Raha araka ny tombana mantsy dia mety ho tovolahy efa nifampanana lonilony izy ireo ary nampiady ny motoany avy hahitana izany tena matanjaka sy tsara nefa mety ho lozam-pifamoivoizana tsotra ihany koa no nitranga. Ny fijoroana vavolombelona hataon’ireo tena nanatri-maso ny loza ihany moa no hamaritra izany ankoatra ny fakana am-bavany azy roalahy naratra.
Nangonin’i Pati
Legende : Potika sy nihintsana tahaka izao ireo moto nifandona !