Fifamoivoizana

Minisitry ny asa vaventy vaovao Hanaovana ezaka manokana ny lalam-pirenena faha 13

Fifamoivoizana
Zoma 20 Aogositra 2021

Laharam-pahamehana ho an’ny Ministry ny fanajariana ny tany sy ny asa vaventy vaovao Hatrefindrazana Jerry ny asa fanamboaran-dalana mba hahafahan’ny olona sy ny vokatra mivezivezy

. Lohalaharana amin’ireny ireo efa an-dalam-panamboarana toy ny lalam-pirenena faharoa raha tsy latsa-danja amin’izany ihany koa ireo efa tena ratsy, mila fanamboarana maika. Ho an’ny lalam-pirenena faharoa ohatra dia efa mandeha ny asa. Hojerena akaiky ihany koa ny lalam-pirenena fahafito ary hanaovana ezaka ny fanamboarana azy raha tsy latsa-danja amin’izany ny lalam-pirenena faha-44 izay efa mandroso ny asa ankehitriny. Hasiam-panamboarana ihany koa ny lalam-pirenena faha-6 sy ny mampitohy ny lalam-pirenena faharoa amin’ny lalam-pirenena faha-5 A. Toraka izany koa ny lalam-pirenena faha-13 izay hanaovana ezaka manokana.Tontosa soa aman-tsara, omaly, teny Anosy ny fifamindram-pahefana teo amin’ny ministry ny Fanajariana ny Tany sy ny Asa Vaventy teo aloha, Andrianainarivelo Hajo, sy ny ministry ny Asa Vaventy Vaovao, Hatrefindrazana Jerry.
Pati