Fifamoivoizana

Minisitra Beboarimisa Ralava Efa nojerena ny « déblocage » ny vola ho an’ny mpitatitra

Fifamoivoizana
Zoma 29 Jona 2018

Nisy fifandaminana nifanarahana tamin’ireo mpitatitra fa hatsahatra nanomboka omaly alakamisy 28 jona ny fitokonana nataon’izy ireo, hoy ny minisitry ny fitaterana sy famantarana ny toetrandro, Beboarimisa Ralava, fa efa nojerena ny « déblocage » ny vola fanampiana fanome azy ireo.

Harahan’ny minisiteran’ny fitaterana maso tanteraka kosa anefa manomboka eto ny kalitaon’ny asa hatolotr’izy ireo dia ny fampiharana an-tsakany sy an-davany ny « cahier de charge ». Marihana fa ny iray tamin’ireo fikambanan’ireo mpitatitra amin’ny 3 misy no nanatanteraka fitokonana tamin’ny alarobia 27 jona 2018 lasa teo teto Antananarivo. Mitovy avokoa, hoy ny minisitra Beboarimisa Ralava, ny fepetra ho an’ny mpitatitra tsy an-kanavaka. Marihako fa misokatra ho an’ny rehetra amin’ny fifanakalozan-kevitra ny minisitera tantanako, hoy izy.

Ntsoavina Evariste