Fifamoivoizana

Minisiteran’ny fitaterana Nahazo fitaovana hitsirihana ny tahan’ny alikaola ho an’ny mpamily

Fifamoivoizana
Alakamisy 31 Mey 2018

Ankoatra ny tsy fahatomombanan’ny fiara sy ny fampiasana karazana kojakoja tsy mifanaraka amin’izy ireny amin’ny ankapobeny dia anisan’ny antony faharoa miteraka ny lozam-pifamoivoizana eto amintsika ihany koa ny fandraisan’ny mpamily zava-pisotro misy alikaola.

Mba ho fiarovana ny ain’ireo mponina eto amintsika ary dia nanolotra kits mifandraika amin’izany maromaro ho an’ny minisiteran’ny fitaterana omaly ny Vivo Energy. Tanjon’izy ireo ny hampihenana ireo karazana lozam-pifamoivoizana mitranga eto amintsika izay nomarihin’izy ireo fa tena marobe tokoa, indrindra fa ny eny an-dalam-be ka anisan’ny lohalaharana amin’izany ny fanovana ny fitondran-tenan’ny mpamily sy ny kolontsainy. Nomarihin’ireo tompon’andraikitra eo anivon’ny Vivo Energy moa fa ankoatra ny fanofanana sy fanovana ny mpamily tahaka izao dia ilana fanovana sy fanaovaozana ihany koa ny torolalana momba ny fifamoivoizana eto amintsika. Toraka izany koa ny fanentanana sy fampianarana ny mpandeha an-tongotra, ny fanatsarana ny fandrindrana ny fifamoivoizana ary ny fanamafisana hatrany ny fanaraha-maso ireo mpamily.

Pati