Fifamoivoizana

Maridaza RN2 Naratra mafy ilay zazalahy voadonan’ny fiara

Fifamoivoizana
Alakamisy 17 Jona 2021

Zazalahy kely iray manodidina ny 10 taona eo ho eo no voadonan'ny fiara fourgon tao Maridaza,

lalam-pirenena faharoa omaly maraina. Raha araka ny loharanom-baovao azo dia niampita ity tovolahy kely ity no tra-doza. Kazaran’irony avy nianatra na nirahina irony no fahitana azy. Noho ny hamafin’ny dona nahazo azy anefa dia nitolefika teo amin’ny toerana nahavoadona azy ity tovolahy kely ity ka nentina haingana nihazo ny hopitaly ao Manjakandriana. Efa nahazo ny fitsaboana sahaza azy moa ilay tovolahy kely tamin’ny fotoana nanoratanay omaly. Marihina fa na dia somary ratsiratsy aza ny lalam-pirenena faharoa dia saika mandefa mafy avokoa ireo mampiasa iny lalana iny ka tokony samy ho mailo ny rehetra.

Nangonin’i Pati