Fifamoivoizana

Lozam-pifamoivoizana teo Ambohipoloalina Mompera iray no maty, iray hafa tapa-tanana

Fifamoivoizana
Alatsinainy 02 Aogositra 2021

Mompera iray no maty ary mompera iray namily ny fiara kosa no naratra, tapa-tanana vokatry ny lozam-pifamoivoizana. Tsy nisy naninona ireo mpianatra ho frera roalahy tao aoriana.

Izany no vokatry ny fahavakisan'ny kodiarana afara ary nampidona ny fiara iray tamin'ny rindrin-tany teo Ambohipoloalina, fokontany ao ihany, kaominina Ambatondrakalavao, Distrika Ambatolampy raha ny fampitam-baovao voaray ny marainan’ny sabotsy teo. Niala avy any Antsampandrano ho any Ambatolampy izy efatra mirahalahy ireto no nitrangan’izao loza izao, raha ny fampitam-baovao.

J. Mirija