Fifamoivoizana

Lozam-pifamoivoizana teny Itaosy Nipotsaka ny atidohan’ilay zaza

Fifamoivoizana
Zoma 18 Martsa 2022

Fiara rexton iray no nahafaty zazalahy kely tombanana eo amin’ny 5 taona eo ho eo omaly atoandro teny Itaosy, distrikan’Antananarivo Atsimondrano.

Raha araka ny loharanom-baovao azo dia adinon’ilay mpamily ny nametaka frein à main nefa nivoaka niala tao anatin’ilay fiara izy. Vokany, zazalahy kely iray tsy manan-tsiny no nitsian’ilay fiara ka nipotsaka hatramin’ny atidohany. Efa am-pelatanan’ny polisy hatramin’ny omaly moa ilay mpamily nanaovana fanadihadiana. Nahavaky ny fon’ny rehetra kosa ny nijery ilay ramatoa renin’ilay zaza izay nigogogogo nitomany nanoloana ny vatana mangatsiakan’ilay sombin’ny ainy izay tsy nialana nenina akory. Marihina moa fa teo akaikin’ny biraon’ny polisy ao an-tampon’Itaosy, kaominina Itaosy mihitsy no nitranga ity lozam-pifamoivoizana namoizana ain-jaza iray ity.
Nangonin’i Pati