Fifamoivoizana

Lozam-pifamoivoizana mateti-pitranga Ho hentitra kokoa ny fitsirihana ny fiara

Fifamoivoizana
Alarobia 31 Jolay 2019

Nihanahazo vahana tato ho ato ny lozam-pifamoivoizana teto amintsika. Saika namoizan’aina avokoa ny ankamaroan’izy ireny, antony nandraisan’ny sampandraharaha misahana ny fitsarana fiarakodia eny Alarobia fanapahan-kevitra hentitra.

Nambaran’izy ireo fa tsy maintsy hatao fitsirihina eny amin’izy ireo avokoa ny fiarakodia rehetra mba hiarovana ny ain’olona sy ny fananany. Ho an’ireo manantena ny resaka taratasy hosoka hahafahany miasa na mandeha dia hampidirina “fourriere” avy hatrany izay tratra ka tsy mivoaka ilay fiara raha tsy mahaloa ny sazy ara-bola mifandraika amin’izay ny tompony ary manao fitsirihana ara-dalàna indray avy eo. Na izany aza anefa dia nomarihin’izy ireo fa tato anatin’ny telo taona izao dia ny 3 %-n’ireo fiarakodia niharan-doza ihany no vokatry ny fahatomombanan’ny fiarakodia no nahatonga izany. Ny ankoatra izay hoy izy ireo dia vokatry ny tsy fitandremana sy ny tsy fahampian’ny torimaso na ny fisotroana avokoa. Tsiahivina moa fa eny amin’ny By-pass sy Alasora ary Ivato no afaka mandray ireo olona hitondra fiara hotsaraina amin’izao noho ny asa fanamboaran-dalana tanterahina eny amin’ny foiben-toerana fitsarana fiarakodia eny Alarobia ankehitriny.

Pati