Fifamoivoizana

Loza teny Andohatapenaka Nikarepoka tao ilay mpitari-tsarety

Fifamoivoizana
Alarobia 05 Septambra 2018

Tery tao anelanelan’ny fiara 4X4 pick-up sy taksibe mampitohy an’i 67ha amin’Ampangabe Ambohitrimanjaka ny mpitarika sarety entin-tanana feno biriky tamin’ny loza nitranga tetsy Andohatapenaka, omaly antoandro.

Nitsoriaka hamonjy ny RN58 A ilay 4X4, nefa ilay taksibe mandeha. Niezaka niala ilay taksibe nefa ilay sarety efa antomotra teo alohany tsy azo nialana noho ny vesatra sy ny hafainganam-pandeha, ka dia nikarepoka ireo fiara roa, ary tafiditra tao anelanelany ilay sarety. Voatery nakisaka ilay taksibe nisokirana ilay mpitarika sarety tery tao anelanelany. Nentina maika ao amin’ny hopitaly manarapenitra ilay lehilahy nanavotana ny ainy.

Jean D.