Loza mahatsiravina

Mpianaka niara-maty nofahon’ny fiara

Fifamoivoizana
Alarobia 27 Desambra 2023

Tantely amam-bahona tokoa ny fiainana. Vehivavy roa mpandeha an-tongotra

no maty tsy tra-drano tao an-drenivohitr’i Vakinankaratra ny Alatsinainy 25 Desambra lasa teo, tokony ho tamin’ny 03 ora folakandro. 66 taona ilay Ramatoa lehibe iray raha vao 9 taona monja kosa ilay zazavavy kely iray.Raha araka ny fantatra dia nofaohin'ny fiara 404 bâchée iray teo amin'ny fidinana voirie mihazo ny orinasa Star, izy ireo. Vokatry ny tsy fifehezan’ilay mpamily ny familiana hoy ireo nanatri-maso no antony nahatonga ny loza. Na izany aza ny fanadihadiana hataon'ny polisim-pirenena ihany no hamaritra ny tena anton'izany. Lehilahy iray 47 taona nitondra bisikilera ihany koa no fantatra fa naratra mafy saingy efa nahazo ny fitsaboana sahaza azy. Efa notazonina hatramin’ny omaly moa ilay mpamily hanaovana fanadihadiana.
Nangonin’i Pati
Legende : Ity ilay fiara namono azy mianaka tao Antsirabe !